6 އޯގަސްޓު 2019 ޖަމާލުއްދީން ސްކޫލުގެ މުދައްރިސުންނަށް ނަޒާހަތްތެރިކަމާ ގުޅޭގޮތުން ހޭލުންތެރިކުރުމުގެ ޕްރޮގްރާމެއް އެންޓި-ކޮރަޕްޝަން ކޮމިޝަން (އޭސީސީ) ގެ ފަރާތުން ކުރިއަށް ގެންގޮސްފިއެވެ. މި ޕްރޮގްރާމް ކުރިއަށް ގެންގޮސްފައިވަނީ 2019 އޮގަސްޓް 1 ވީ ބުދަ ދުވަހު އެ ސްކޫލު ގައެވެ. 2 ގަޑިއިރާ 30 މިނިޓަށް ކުރިއަށް ގެންދެވުނު މި ޕްރޮގްރާމްގައި ކިޔެވުމުގައި ނަޒާހަތްތެރިކަން އިސްކުރުމުގެ މުހިންމުކަމުގެ އިތުރުން، ދަރިވަރުންގެ ސުލޫކާއި، ކޮރަޕްޝަނާ ދެކޮޅަށް މަސައްކަތް ކުރުމާއި، ރަނގަޅު ގޮތް އިޚްތިޔާރުކުރުމަށް ބޭނުންކުރެވިދާނޭ 5 'އެތިކަލް އެޕްރޯޗް' ގެ މަޢުލޫމާތު ފޯރުކޮށްދެވުނެވެ. މި ޕްރޮގްރާމުގައި ސެޝަންތައް ކުރިއަށް ގެންދިޔައީ 2 ބަޔަކަށް ބަހާލައިގެންނެވެ. އެއީ ބިދޭސީ މުވައްޒަފުންނަށް ޚާއްޞަކޮށްގެން އިނގިރޭސި ބަހުން ކުރިއަށް ގެންދިޔަ ސެޝަނަކާއި ދިވެހި ބަހުން ކުރިއަށް ގެންދިޔަ ސެޝަނެކެވެ. މި ސެޝަންތަކުގައި ޖުމްލަ 163 މުވައްޒަފުން ބައިވެރިވެފައިވާއިރު، ސެޝަން ހުށަހަޅައިދީފައިވަނީ އޭސީސީގެ ކަމާބެހޭ ފަންނީ މުވައްޒަފުންނެވެ.