ސްޓްރެޓީޖިކް އެކްޝަން ޕްލޭން

ޤާބިލު މުވައްޒަފުން ވަޒީފާއަށް ނެރުމާއި، އެކި ދާއިރާތަކުން މީހުން ބިނާކުރުމުގެ އިތުރުން، މަސައްކަތުގެ މާޙައުލަކީ މުވައްޒަފުންނަށް ހިތްހަމަޖެހުމާއެކު ދެމިތިބެވޭނެ ތަނަކަށް ހެދުމަށް މި ދާއިރާގައި އިސްކަންދެވިފައިވެއެވެ. މީގެއިތުރުން، ކޮމިޝަނުގެ އެތެރޭގެ ހިންގުން ހަރުދަނާކޮށް، އިޚްލާޞްތެރިކަމާއެކު މަސައްކަތްކުރުމުގެ ސަގާފަތެއް ބިނާކުރުމަށްޓަކައި އެކުލަވާލެވިފައިވާ މުހިންމު ރޭވުންތައްވެސް ބަޔާންކޮށްފައިވާނެއެވެ.

މަޤްޞަދު 1.1:  އިންޓެލިޖެންސް އަދި ލިޔެކިޔުންތައް ހިއްސާކުރާ ނެޓްވޯކްއެއް ޤާއިމްކުރުމަށް މަސްލަހަތުވެރިންނާއިއެކު މަސައްކަތްކުރުން. 

މަޤްޞަދު 1.2: މުވައްޒަފުން ރަސްމީކޮށް ޝަކުވާ ހުށަހެޅުމަށް ހިތްވަރުދީ، އެކަމަށް އެކަށީގެންވާ ފިޔަވަޅު އެޅޭނެ ގޮތަށް ގްރީވަންސް ޕޮލިސީ މުރާޖަޢާކުރުން.

މަޤްޞަދު 1.3: މުވައްޒަފުންގެ ހިތްހަމަޖެހުން ހުރި މިންވަރު ބެލުމަށް ސާވޭތައްކޮށް، އޭގެ ނަތީޖާއަށް ބިނާކޮށް ހުށަހަޅާ ކަންކަން ތަންފީޒުކުރުން.

މަޤްޞަދު 1.4: ޤައުމީ އަދި ބައިނަލްއަޤުވާމީ ފަރާތްތަކާ ގުޅިގެން މޯލްޑިވްސް އެންޓި-ކޮރަޕްޝަން ޓްރަސްޓް ފަންޑުގެ ބޭނުން ކުރަން ފެށުމާއި އެ ފަންޑު ފުޅާކުރުން.

މަޤްޞަދު 1.5: ިޒިކަލް ސެކިއުރިޓީއާއި ޑޭޓާ ރައްކާކުރާނެ ނިޒާމުތައް ރަނގަޅު ފެންވަރެއްގައި ހުރި، އެކަމަށް ޚާއްޞަކޮށް ބިނާކޮށްފައިވާ ނުވަތަ އެކަށީގެންވާ ސަރުކާރުގެ އިމާރާތްތައް ހޯދުމަށް ކަމާގުޅުންހުރި އިދާރާތަކާއިއެކު މަސައްކަތްކުރުން.

މަޤްޞަދު 1.6: ޕްރޮގްރާމްތައް ފަރުމާކުރުމާއި، ތަންފީޛުކުރުމާއި އަދި މުއައްސަސާގެ އުސޫލުތައް ހަރުދަނާކުރުމަށްޓަކައި، ބައިނަލްއަޤުވާމީ އެހީތެރިކަމާއި ފަންނީ ތަޖުރިބާކާރުންގެ ބައިވެރިވުން އިތުރުކުރުން.

މަޤްޞަދު 1.7: އިންޓެލިޖެންސް އަދި ލިޔެކިޔުންތައް ހިއްސާކުރާ ނެޓްވޯކްތަކުގައި އޭ.ސީ.ސީ ބައިވެރިކުރުމަށް ކަމާބެހޭ ފަރާތްތަކާއެކު މަސައްކަތްކުރުން.

މަޤްޞަދު 1.8: ކޮމިޝަނުގެ މަސައްކަތުގެ ހިންގުން ހަރުދަނާކޮށް އެފިޝިއެންސީ އިތުރުކުރުމަށް، ނިންމުންތައް ނިންމާނެ އެންމެ އެކަށީގެންވާ އޮނިގަނޑެއް އެކުލަވާލުން.

މަޤްޞަދު 1.9: ޤާބިލުކަމަށް ބިނާކޮށް މުވައްޒަފުން ނެގުމުގެ އެސެސްމަންޓްތައް އެކުލަވާލައި، ކޮމިޝަނުގެ މުވައްޒަފުން ވަޒީފާގައި ދެމެހެއްޓުމަށް މަސައްކަތްކުރުން.

މަޤްޞަދު 1.10: ކޮމިޝަނުގެ އިދާރީ އޮނިގަނޑުގެ އިސްފަންތީގެ މަޤާމުތަކުގެ މުވައްޒަފުންނަށް ވާދަވެރި މުސާރައިގެ އޮނިގަނޑެއް އެކުލަވާލުމަށް ކަމާބެހޭ އިދާރާތަކާ ގުޅިގެން މަސައްކަތްކުރުން.

މަޤްޞަދު 1.11: ކޮމިޝަނުގެ އިދާރީ އޮނިގަނޑުގެ އިސްފަންތީގެ މަޤާމުތަކުގެ މުވައްޒަފުންނަށް ވާދަވެރި މުސާރައިގެ އޮނިގަނޑެއް އެކުލަވާލުމަށް ކަމާބެހޭ އިދާރާތަކާ ގުޅިގެން މަސައްކަތްކުރުން

މަޤްޞަދު 1.12: ކޮރަޕްޝަންގެ ޓްރެންޑްތަކަށް ރިއާޔަތްކޮށް، ކޮމަން ކޮމްޕީޓެންސީ ފުރޭމްވޯރކާއި އެއްގޮތަށް ހުރިހާ ޑިޕާޓްމަންޓްތަކަށް ސިސްޓަމިކް ތަމްރީނު ޕްރޮގްރާމްތައް ހަރުދަނާކޮށް ގެންދިއުން. 

މަޤްޞަދު 1.13:  ހުރިހާ މުވައްޒަފުންނަށް ލާޒިމް ފަންނީ ހުނަރުތަކާއި އިލްމު ފޯރުކޮށްދިނުން. 

މަޤްޞަދު 1.14: ފިޔަވަހިތަކަކަށް ބަހާލައިގެން ފުރިހަމަ ޑިޖިޓަލް ޕްލެޓްފޯމެއް ބިނާކުރުމާއި، ޑިޖިޓަލް ކަންކަމަށް އިސްކަންދޭ ވިސްނުމެއް އުފެއްދުމަށް ބޭނުންވާ ތަމްރީނު ދިނުން.  

މި ދާއިރާގައި ކޮމިޝަނުން އިސްކަންދޭނީ ދިރާސާތަކުގެ މައްޗަށް ބިނާކޮށް، ނަތީޖާ ނެރެވޭނެ ފަދަ މަޝްރޫޢުތައް ކުރިއަށް ގެންދިއުމަށްޓަކައި އުސޫލުތަކަށް ބަދަލުތަކެއް ގެނައުމުގެ މަސައްކަތެވެ.

މަޤްޞަދު 2.1: ކޮމިޝަނުގެ މުވައްޒަފުންނާއި، ކޮމިޝަނުގެ މަސްލަހަތުވެރިންގެ ހިޔާލާއެކު، މިހާރު ކޮމިޝަނުގައި އެކުލާވާލެވިފައިވާ އެސް.އޯ.ޕީ ތައް މުރާޖައާކުރުން.

މަޤްޞަދު 2.2:  އެސް.އޯ.ޕީ ތަކާއި ސިޔާސަތުތަކަށް އަމަލުކުރާ މިންވަރު ބަލައި ރިޕޯޓުކުރުން. 

މަޤްޞަދު 2.3: މައްސަލަތަކުގެ ފެންވަރު ބަލާ ޗެކްލިސްޓްތައް އިތުރަށް ހަރުދަނާކޮށް، އިދާރީ މިންގަނޑުތަކާއި އެންމެ ބެސްޓް ޕްރެކްޓިސްތައް ހިމަނައިގެން ކުށް ސާބިތުވުމުގެ ފުރުސަތު އިތުރުކުރުން.

މަޤްޞަދު 2.4: ކޮމިޝަނުން ބަލާ ކޮރަޕްޝަނުގެ މައްސަލަތަކާއި، ކޮމިޝަނަށް މައްސަލަ ހުށަހެޅޭނެ ގޮތްތަކާއި ގުޅޭގޮތުން، ހުރިހާ ފަންތިއަކަށް އަމާޒުކޮށްގެން އާންމުން ހޭލުންތެރިކުރުވުން. 

މަޤްޞަދު 2.5: ކީ-ޕާފޯމަންސް އިންޑިކޭޓަރސް  ބޭނުންކޮށްގެން، ކޮމިޝަނުގެ ހިންގުންތެރިކަން އަހަރަކު އެއްފަހަރު މުރާޖައާކުރުން.

މަޤްޞަދު 2.6: ކޮމިޝަނުން އަދި އެހެން މުއައްސަސާތަކުން ހިންގާފައިވާ އެންޓި-ކޮރަޕްޝަން ޕްރޮގްރާމްތަކުގެ އިވެލުއޭޝަންތަކުން ފާހަގަވި ކަންކަމުގެ މައްޗަށް ބިނާކޮށް ޕްރޮގްރާމްތަކާއި ހަރަކާތްތައް ފަރުމާކުރުން.

މަޤްޞަދު 2.7:  ކޮރަޕްޝަނުން ވިޔަނުދިނުމަކީ ހުރިހާ ސެކްޝަނެއްގެ މައިގަނޑު މަސައްކަތެއްގެ ގޮތުގައި ހިމަނައި، ރޫޓީން ގޮތެއްގައި ކޮރަޕްޝަނުގެ ހިރާސް ދެނެގަނެ، ނިޒާމީ ގޮތެއްގައި ކޮރަޕްޝަން ވިޔަނުދިނުމަށް މަސައްކަތްކުރުން.

މަޤްޞަދު 2.8: ބައިނަލްއަގުވާމީ އެންޓި-ކޮރަޕްޝަން އިދާރާތަކާއި ގުޅުންހުރި މުއައްސަސާތަކާ އެކު، ހަރުދަނާ އުސޫލުތަކާއި ޕްރޮގުރާމުތަކުގެ މައުލޫމާތު ބަދަލުކޮށް، އޭސީސީގެ ޕްރޮގްރާމްތަކާއި ހިންގުމުގައި އެ ފިލާވަޅުތަކުގެ ބޭނުންހިފުން.

މަޤްޞަދު 2.9: ދުވަސްވީ އަދި ނުނިމި ހުރި މައްސަލަތައް ހައްލުކުރުމަށްޓަކައި، ދެފުށް ފެންނަ ގޮތެއްގައި ނިޒާމީ މަސައްކަތްތަކެއް ތަންފީޒުކުރުން.

 މަޤްޞަދު 2.10: ދުވަސްވީ އަދި ނުނިމި ހުރި މައްސަލަތައް ހައްލުކުރުމަށްޓަކައި، ދެފުށް ފެންނަ ގޮތެއްގައި އަމާޒުހިފާފައިވާ ނިޒާމީ މަސައްކަތްތަކެއް ތަންފީޒުކުރުން.

މަޤްޞަދު 2.11:  ކޮރަޕްޝަންގެ ހިރާސް ކުޑަކޮށް ކޮރަޕްޝަން ވިޔަނުދިނުމަށްދޭ ރިކޮމަންޑޭޝަންތަކަކީ ކްލިއަރ، އަމަލީ ގޮތުން ކުރެވޭނެފަދަ އިރުޝާދުތަކެއް ކަމުގައިވުން. އަދި ފޮލޯ-އަޕް ނިޒާމެއްގެ ތެރެއިން އެ ރިކޮމަންޑޭޝަންތަކުގެ ނަތީޖާ އަދާހަމަކުރުން. 

މަޤްޞަދު 2.12: މައްސަލަތައް ފުނިޖެހުމުގެ ފުރުޞަތު ކުޑަކުރުމުގެ މަޤްޞަދުގައި، ގިނަދުވަސްވެފައިވާ މައްސަލަތަކާއި ނުނިމި ހުރި މައްސަލަތަކުގެ އަދަދު މަދުކުރުން.

ގާނޫނީ އޮނިގަނޑާއި އިޖުރާއާތުތަކުގައި ހުރި ދަތިތައް ހައްލުކޮށް، އެކި ފަރާތްތަކާ ގުޅިގެން ހިންގާ ހަރަކާތްތައް މިހާރަށްވުރެ ވަރުގަދަކުރުމަކީ ކޮމިޝަނުގެ މުހިންމު އެއް މަގުސަދެވެ. އެ ގޮތުން މި ދާއިރާގައި ކޮރަޕްޝަން ނައްތާލުމުގައި ދާއިމީ ނަތީޖާއެއް ހާސިލުކުރުމަށްޓަކައި ކަމާބެހޭ ހުރިހާ އިދާރާތަކެއްގެ އެއްބާރުލުމާއެކު ކުރެވޭ މަސައްކަތްތަކެއް ކުރެވިގެންދާނެއެވެ.

މަޤްޞަދު 3.1: ޤާނޫނީ އޮނިގަނޑުގައި ހުރި ހުރަސްތައް ދެނެގަތުމުގެ މަސައްކަތް ވަރުގަދަކުރުމާއި، ކޮރަޕްޝަން ވިޔަނުދިނުމަށާއި، ފްރޯޑު ދެނެގަތުމަށާއި، ތަޙުޤީޤުކުރުމާއި ދަޢުވާކުރުމުގެ ނިޒާމު ހަރުދަނާކުރުމަށްޓަކައި ޤާނޫނުތަކަށް ގެންނަންޖެހޭ އިޞްލާޙުތައް ހުށަހެޅުން.

މަޤްޞަދު 3.2:  ކޮމިޝަނުގެ ކާމިޔާބީގެ ވާހަކަތަކާއި، ކޮރަޕްޝަންގެ އާންމު އުސޫލުތަކާ ބެހޭ މަޢުލޫމާތާއި، މައްސަލަތަކުގެ ފަހުގެ މަޢުލޫމާތާއި، އިދާރީ ހިންގުމުގެ ނިޒާމުތަކާ ބެހޭ މަޢުލޫމާތު ތަފާތު އުމުރުފުރާތަކާއި ގިންތިތަކާ ގުޅޭނޭހެން އެކި ވަސީލަތްތައް މެދުވެރިކޮށް އިސްނަގައިގެން އާންމުކުރުން.

މަޤްޞަދު 3.3:  ތަމްރީނުތައް ފޯރުކޮށްދިނުމަށްޓަކައި، ހަރުދަނާ ސްޓްރެޓެޖިކް އޮނިގަނޑެއްގެ ދަށުން މޯލްޑިވްސް ނޭޝަނަލް އެންޓި-ކޮރަޕްޝަން އެކަޑަމީ ވަރުގަދަކުރުން.

މަޤްޞަދު 3.4: ޖަވާބުދާރީކުރުވުން އިތުރުކުރުމަށް އެކި ޓޫލްތައް ބޭނުންކުރުމަށް ވަކާލާތުކޮށް، ކޮމިޝަނުންދޭ ރިކޮމެންޑޭޝަންތަކަށް އަމަލުކުރުން އިތުރުކުރުމަށާއި، ކޮރަޕްޝަންގެ ހިރާސް ކުޑަކުރުމަށް މަސައްކަތްކުރުން. 

މަޤްޞަދު 3.5:  ދައުލަތުގެ މުއައްސަސާތަކުގައި ކޮރަޕްޝަންގެ ނުރައްކާ އޮތް މިންވަރަށް ބަލައި މުރާޖަޢާކޮށް، ތަފާތު ދަރަޖަތަކުގެ ނުރައްކާތަކަށް އަމާޒުކޮށްގެން ޕްރޮގްރާމްތައް އެކުލަވައިލުން. 

މަޤްޞަދު 3.6: މުއައްސަސާތަކުގެ އިތުބާރު ވަރުގަދަކޮށް، ދެފުށް ފެންނަ ގޮތަށް ކަންކަން ކުރުމާއި ޖަވާބުދާރީވުމުގައި މިންކުރެވޭފަދަ ކުރިއެރުންތަކެއް ދައްކައިގެން، ދިވެހިރާއްޖޭގެ ކޮރަޕްޝަން ޕާސެޕްޝަން އިންޑެކްސް (ސީ.ޕީ.އައި) ރޭޓިންގ ރަނގަޅުކުރުމަށް ކުރެވޭ މަސައްކަތްތައް ވިލަރެސްކުރުން

މަޤްޞަދު 3.7: މީޑިއާތަކާ އޮންނަ ގުޅުން އިތުރަށް ބަދަހިކޮށް، ދެފުށް ފެންނަ ޕްރޮއެކްޓިވް އުސޫލަކުން މައުލޫމާތު ބަދަލުކުރުމާއި، ކޮރަޕްޝަނާއި ނަޒާހަތްތެރިކަމާ ގުޅޭ ކަންކަމުގައި ސައްހަ މައުލޫމާތު ފެތުރުމަށް ހާއްސަ ސަމާލުކަމެއް ދިނުން.

ދައުލަތުގެ ޕްރޮކިއުމަންޓް ނިޒާމުގައި ހުރި ކޮރަޕްޝަން ރިސްކްތައް ނައްތާލުމާއި، ސަރުކާރު ހިއްސާވާ ކުންފުނިތަކުގެ ނަޒާހަތްތެރިކަން ވަރުގަދަކޮށް، މޮނިޓަރކުރުމުގެ ނިޒާމު އިތުރަށް ހަރުދަނާކުރުމުގެ ހަރަކާތްތައް މި ދާއިރާގެ ތެރޭގައި ހިމެނެއެވެ.

މަޤްޞަދު 4.1: ދައުލަތުގެ ޕްރޮކިއުމަންޓް ނިޒާމުގައި ހުރި ކޮރަޕްޝަން ރިސްކްތަކާއި ގުޅޭގޮތުން ޚާއްސަ ތަމްރީންތަކާއި ހޭލުންތެރިކުރުވުމުގެ ކެމްޕޭންތައް ހިންގުން.

މަޤްޞަދު 4.2: ހޭލުންތެރިކުރުވުމުގެ ޕްރޮގްރާމްތައް އިނގިރޭސި އަދި ދިވެހި ބަހުން، އެކި ވަސީލަތްތައް ބޭނުންކޮށްގެން އަދި ގިނަ ބަޔަކަށް ފަސޭހައިން ބައިވެރިވެވޭނެ ގޮތަށް ފަރުމާކޮށް ކުރިއަށް ގެންދިއުން.

މަޤްޞަދު 4.3: ރެގިއުލޭޓަރީ އިދާރާތަކާ ގުޅިގެން ތަހްޤީޤް ނިމިފައިވާ މައްސަލަތައް މުރާޖާކޮށް ގާނޫނީ ގޮތުން ހުރި ގެޕްތައް ދެނެގަތުން.

މަޤްޞަދު 4.4: ސަރުކާރު ހިއްސާވާ ކުންފުނިތަކާއި ދައުލަތުގެ ޕްރޮކިއުމަންޓާ ގުޅޭގޮތުން ނިމިފައިވާ މައްސަލަތަކުގެ ޚުލާސާ (ކޮން ފަރާތެއްކަން ނޭނގޭ ގޮތަށް) އާންމުކުރުން.

މަޤްޞަދު 4.5:  މޯލްޑިވްސް ނޭޝަނަލް އެންޓި-ކޮރަޕްޝަން އެކަޑަމީއިންނާއި، އެހެނިހެން ފުރުސަތުތަކުގެ އެހީގައި ރެގިއުލޭޓަރީ އިދާރާތަކުގެ ގާބިލުކަން އިތުރުކުރުމަށް މަސައްކަތްކުރުން. 

މަޤްޞަދު 4.6:  ސަރުކާރު ހިއްސާވާ ކުންފުނިތަކުގެ ހިންގުމުގައި ނަޒާހަތްތެރިކަމަށް އިސްކަންދިނުމަށް ބާރުއެޅުން.

މަޤްޞަދު 4.7:  ސަރުކާރު ހިއްސާވާ ކުންފުނިތަކުގައި ހުރި ކޮރަޕްޝަނުގެ ހިރާސް ބޮޑު ދާއިރާތަކާއި، ވަލްނަރެބިލިޓީސް ދެނެގަތުމާއި، ސްޓްރަކްޗަރޑް ރިކޮގްނިޝަން ޕްރޮގްރާމެއް މެދުވެރިކޮށް ނަޒާހަތްތެރިކަން ޕްރޮމޯޓް ކުރުން.

ސަރުކާރުގެ އިދާރާތަކަށް ރައްޔިތުން ކުރާ އިތުބާރު ހޯދުމުގެ ގޮތުން އިންސާފުވެރި އިންތިޚާބީ ނިޒާމަކާއި، ވަޒީފާ ދިނުމުގެ ހާމަކަން ބޮޑު އުސޫލުތަކެއްގެ އިތުރުން ސިޔާސީ ޕާޓީތަކަށް ފަންޑު ހޯދުމުގައި ދެފުށް ފެންނަ ގޮތްތަކެއް ގާއިމުކުރުމަށް ބާރުއަޅައި ނިޒާމީ ގޮތެއްގައި އަށަގަނެފައިވާ ސިޔާސީ ކޮރަޕްޝަން ނައްތާލުން މި ދާއިރާގެ ތެރޭގައި ހިމެނެއެވެ.

މަޤްޞަދު 5.1: އިންތިޚާބީ ހަރަކާތްތައް މޮނިޓަރކުރުމަށާއި، އިންތިޚާބީ ރިޝްވަތު އަވަހަށް ދެނެގަތުމަށާއި، ޝަކުވާތައް ދެފުށް ފެންނަ އަދި އަވަސް ގޮތެއްގައި މުރާޖައާކުރުމަށް ކޮމިޝަނުގެ ތެރޭގައި ހާއްސަ ޓީމެއް އެކުލަވާލުން.

މަޤްޞަދު 5.2:  އިންތިޚާބުގެ ކުރިންނާއި، އިންތިޚާބު ތެރޭގައާއި، އަދި އިންތިޚާބަށްފަހު ކުރާނެ މަސައްކަތްތަކުގެ ތާވަލަކާއެކު، ތަހުގީގުކުރުމާއި ހޭލުންތެރިކަން އިތުރުކުރުމަށް ކަމާބެހޭ އިދާރާތަކާއި، ޖަމިއްޔާތަކާ ގުޅިގެން މަސައްކަތްކުރުން.

މަޤްޞަދު 5.3: ޕޮލިޓިކަލް ފައިނޭންސިންގް ގަވާއިދުތައް ހަރުދަނާކުރުމަށްޓަކައި ގާނޫނު މުރާޖައާކުރުމާއި، އިސްލާހު ގެނައުމަށް ކަމާގުޅުންހުރި އިދާރާތަކާއިއެކު މަސައްކަތްކުރުން.

މަޤްޞަދު 5.4: ހައި-ލެވެލް ކޮރަޕްޝަނާއި، ސިޔާސީ ނަޒާހަތްތެރިކަމަށް ހުރި ހިރާސްތަކުގެ ދެނެގަތުމަށްޓަކައި، ރިސްކަށް ބިނާކޮށް މަޢުލޫމާތު އެއްކުރާ ވަސީލަތްތަކާއި "ރެޑް-ފްލެގް" ނިޒާމުތައް އެކުލަވާލުން.

މަޤްޞަދު 5.5:  ދައުލަތުގެ ހުރިހާ މުއައްސަސާއެއްގައި ކޮރަޕްޝަންގެ މައުލޫމާތު ހާމަކުރާ ފަރާތްތަކަށް (ވިސުލްބްލޯވަރސް) އޮންނަ ރައްކާތެރިކަން ހަރުދަނާކުރުމަށް ވިސުލްބްލޯވިންގް ޔުނިޓާ ގުޅިގެން މަސައްކަތްކުރުން.

މަޤްޞަދު 5.6: ކޮމިޝަނުން ތަޙުޤީޤު ކުރަމުންދާ މައްސަލަތަކާއިގުޅިގެން، ދޭ ދޭ ގައުމުތަކުން އެހީތެރިކަން ހޯދުމަށްޓަކައި، އެ ޤައުމުތަކާއިއެއްކޮށް އޮންނަ ގުޅުން އިތުރަށް ހަރުދާނާކުރުމަށް ކުރަންޖެހޭ މަސައްކަތް ކުރުން. އަދި ކޮމިޝަނުން ތަޙުޤީޤުތަކާ ގުޅިގެން އެހީތެރިކަން ހޯދޭނެ ދާއިރާތައް ދިރާސާކޮށް، ތަޙުޤީޤުތައް ހަރުދަނާ ކުރުމަށްޓަކައި އެހެނިހެން ޤައުމުތަކާއި އެއްކޮށްވެސް ކުރެވޭނެ މަސައްކަތް ދެނެގަތުން.

މަޤްޞަދު 5.7: ދައުލަތައް އަބުރާ ހޯދަންޖެހޭ މުދަލާއި ފައިސާ، ދައުލަތަށް އަބުރާ ހޯދުމަށް މަސައްކަތް ކުރުމާއި، ދިވެހިރާއްޖޭގެ އެސެޓް ރިކަވަރީ ނިޒާމެއް ހަރުދަނާ ކުރުމަށްޓަކައި ދޭންޖެހޭ އެއްބާރުލުން ދިނުން.