6 އޯގަސްޓު 2019 އެންޓި-ކޮރަޕްޝަން ކޮމިޝަނާ ކ.ހުރާ ކައުންސިލު ގުޅިގެން މާލިއްޔަތު ގަވާއިދަށް އަހުލުވެރިކުރުމުގެ ތަމްރީނު ޕްރޮގްރާމެއް ކުރިޔަށް ގެންގޮސްފިއެވެ. ޖުލައި މަހުގެ 31 ގައި ހުރާ ސްކޫލުގައި ކުރިއަށް ގެންދިޔަ މި ޕްރޮގްރާމް ކުރިއަށް ގެންގޮސްފައިވަނީ އެ ރަށުގެ އިދާރާތަކުގައި މަސައްކަތްކުރާ ދައުލަތުގެ މުވައްޒަފުންނަށެވެ. މި ޕްރޮގްރާމުގައި މާލިއްޔަތާބެހޭ ގަވާއިދުގެ ޕްރޮކިއުމަންޓާބެހޭ ބައިޔާއި، އަދި އެނޫނަސް ގިނަ ބައިތަކަކާބެހޭގޮތުން މަޢުލޫމާތު ޙިއްޞާ ކުރެވުނެވެ. ޖުމްލަ 6 ގަޑިއިރުގެ މި ތަމްރީނު ޕްރޮގްރާމު ނަންގަވައި ދެއްވީ އޭސީސީގެ ކަމާބެހޭ ފަންނީ މުވައްޒަފުންނެވެ. މި ޕްރޮގްރާމްގައި ދައުލަތުގެ 4 އިދާރާތަކުން ޖުމްލަ 13 މުވައްޒަފުން ބައިވެރިވިއެވެ.