"ތިނަދޫ ސިޓީ ކައުންސިލް" އާ ގުޅޭގޮތުން އެންޓި-ކޮރަޕްޝަން ކޮމިޝަން (އޭ.ސީ.ސީ) އިން ތަހުޤީޤުކުރަމުންދާ މައްސަލަތަކަކާ ގުޅިގެން 26 ޖެނުއަރީ 2025 ގައި ވަނީ، މި ކޮމިޝަނުގެ ޓީމެއް "ތިނަދޫ ސިޓީ ކައުންސިލް"ގައި ހަރަކާތްތެރިވެފައެވެ. އެގޮތުން ކޮމިޝަނަށް ހުށަހެޅިފައިވާ މައްސަލަތަކާ ގުޅޭގޮތުން ތަހުޤީޤަށް ބޭނުންވާ ލިޔެކިޔުން ހޯދުމުގެ މަސައްކަތްވަނީ ކޮށްފައެވެ. ނަމަވެސް މިކަމުގައި ކައުންސިލްގެ ފުރިހަމަ އެއްބާރުލުން ލިބިފައިނުވާ ވާހަކަ ހިތާމައާއެކު ދަންނަވަމެވެ. އެހެންނަމަވެސް، ޤާނޫނު އަސާސީއާއި، އެންޓި-ކޮރަޕްޝަން ކޮމިޝަންގެ ޤާނޫނުގެ ދަށުން، މި ކޮމިޝަނުގެ ޤާނޫނީ އިމުގެ ތެރެއިން، އެންމެހާ އިޖުރާއަތްތައް ފުރިހަމަ ކުރުމަށްފަހު، މި ކޮމިޝަނުގެ ތަހުޤީޤަށް ބޭނުންވާ ލިޔެކިޔުންވަނީ ހޯދާފައެވެ. އަދި މިކަމާ ގުޅޭގޮތުން ކައުންސިލުން ހާމަކޮށްފައިވާ މަޢުލޫމާތުތަކަކީ ދޮގު ވާހަކަތަކެއް ކަމުގައި ދަންނަވަމެވެ. އަދި މި ކޮމިޝަނާ ގުޅޭގޮތުން ފަތުރަމުންދާ، ހަޤީޤަތާ ޚިލާފު މަޢުލޫމާތަކީ ބަލައިގަނެވޭނެ ކަމެއް ނޫންކަމާއި އަދި އެކަމާމެދު މި ކޮމިޝަނުން އިންތިހާއަށް ކަންބޮޑުވާކަން ފާހަގަކުރަމެވެ.